زجل من نظ (الاستاذ \مرسى الذكى)

--------------------------------------------------------------------------------

ليلة الحنة
هاتــــــــوا الحنـة وحنوهــــــــــــــــا دي آخر ليلـــة في بيت أبوهــــــــا
ده عروســـة زي البقـــــــــــــــــلاوة وحلـــــــوة مش نــاقصة حــــلاوة
ألئيش يا نادية حداكي لمــــــــــــــون علي أيــــه بينفــــــع بالريفـــــــــو
الريفو ياختي مهوش مضمــــــــــون لأ لأ كــدا دا أنـــــــا واخده عليــه
وبعـــد دا قامـــــــوا جردوهـــــــــــا خالتها وأمهــــــــا والماشطـــــــة
ولاد عمامهـــــــا بيدعــولهــــــــــــا وولاد خالتهـــــا يحموهـــــــــــا
دعيتوا فاطمـة ونعمة ونــــــــــــــور والكل خدنـــــــاهم بالــــــــــدور
أحيـــــه نسيت ادعـــــي وهيبــــــــة بنت أخت عربي بتــاع النـــــور
دا عليه ليهــــا نقطـــة جنيـــــــــــــه واخداها في يوم فـرح وطهـــور
طهور صــــلاح وادها البكــــــري علي حجر نعمـــــات سلفتهـــــا
هـــــــــــــاتوا المحــــــاشي وأوروا والكفتة هاتــــــــوا وطبعــــــــوا
قـــــومي يا مـــــاجدة ويا انعــــــــام عليكــــــوا تنضيف الحمــــــــام
وأنتي يــــا ســـــــامية أوام أومــــــي عليكـــــــي تنضيف الرومـــــي
والبــــــط خليـــــــه عليـــــــــــــــــــا أنـــــــــــا وأمينـة وسعديــــــــه
يـــــــاولاد محـــدش وعــــــاهــــــــا ع اللي بكره هاتمشـي عليـــــــه
سعـاد ونــــــــاديه شرحولهـــــــــــــا وحذروهـــــا ووعوهـــــــــــــا
يــــــــــارب تمـــم فرحتهـــــــــــــــا وعدي بكرا أوام علي خيـــــــر





مرسي الزكي